أعظم (وجـع) بالحب لا صرت تشتاق

أعظم (وجـع) بالحب لا صرت تشتاق
لـ اللي تحب ولا أنت قـادر تشوفه!
يكويـك "جمـرٍ" داخـل القلب حرّاق
زود ٍعلــى نــاره تهـدّك طيوفه!
لا مـرّ بعيـونك كمـا نـوض برّاق
مـالك مجــال إلاّ تســاير ظروفه
ياصاحبـي لـو بينـي وبينـك آفاق
نفسي معـك في كـل حالـة شغوفة
ما كنت "قبلك" خلف الإحساس أنساق
وإن شفت درب الحب أسكت وأطوفه
يلين جـاني منعطـف سيل الأشواق
بأمر الغرام اللـي سطت بي سيوفه
قاومت لكـن! خافـي الحب ماطاق
صابه صمـود ٍ زلـزل أجزاء خوفه
بغيـت أردّه بـس حسيـت بإخفاق!
في لحظـة ٍ"مـد" لـ كفوفك كفوفه
جا لك ولا كنت أحسـب الحب دفاق
لين أغرق الخـافق وسال بـ نزوفه
أثْــر المحبـة نبضهـا دوم سرّاق
دمي وهـو دمـي بجسمـي تحوفه!!
حاولت أداري حـب قلبـي بالأوراق
سـلّ المشاعر من متاهات الأعماق
وأصبح يفسـرّ كل وضـع بوصوفه
يكتب تقاريـر الغـلا وقت الإشراق
وعند المسـا يعطيـك باقي كشوفه
يا"جامـع" ٍ حنيّـة الكـون بأخلاق
معـذور قلبـي لـو يضمك بجوفه!
عجبتني وحبيت انقلهاا لكم

تحياتي اختكم سجايا الرووح

مشكووره اختي سجايا الرووح..

ع النقل الحلوو وكلام العذب و جميل..

رـآع ـي الممزر

تسلمين حبوبه ع القصييييييييييده الحلووووه ..

ويعطيج الف عاافيه ..

والله لا يحرمنا من يديدج ان شاء الله..

وانتمى الزووود منج ان شاء الله ..

تقبلي مروري ..

مداوي الجرووح ..}

ويعطيج الف عاافيه يسلمووووووووووووووووو

تسلمين حبوبه ع خواطر حلوه

تسلمين اختي ع الخواطر الحلوة